Miss Magic beauty pageant pribadon aktibidad – Konsehal Lim

Written by Danny O.Sagun, PIA

DAGUPAN CITY, April 4 (PIA) – Angapoy gastos na syudad ed Miss Magic beauty contest.

Saya so impalinew nen Kosehal Brian Lim nen Lunes ed agawan press presentation na 20 magaganan kandidata parad Miss Magic 2011 diad central office na Magic Group of companies diad barangay Malued.

Angaman nibana so contest ed panselebra na Dagupan ed Bangus Festival ed sayay bulan na Abril tan nibilang bilang sakey ed saray ebento, inkuanen Lim ya pribadon aktibidad so beauty pageant tan pupundoan na saray sponsors. “Kaaruman labat la ed saray nabantayan ed Bangus Festival bilang suporta ed satan ya okasyon,” inkuanto.

Getma na Miss Magic ya iparungtal iray positibon kalidades tan talento na saray bibii ed lugar ya walay branch na Magic. Komasiam la natan ya edisyon so nagawad sayan taon, inkuan na saray pageant organizers. Sakey met ya marketing vehicle so nagawan pakontes tinaon diad pitutulongan na saray isponsor, inyarum da.

Angapoy agawan beauty pageant nen 2007 tan 2010 lapud panaoy eleksyon.

Nilinew nen Lim, chief executive officer na Magic group, ya angapoy nagagawan exploitation na saray malimgas iran kandidata. Inyarum ton pigara met lan datin contestants so akaloob tan akapila met ira ed mas prestisyoson beauty contest singa Miss Earth tan Binibining Pilipinas.

Say grand winner so makagamor na premyon P100,000. Saray runner-ups so makalay P60,000, P40,000, P30,000 tan P15,000. Ontan met walay 30 minor awards ya mankantidad na P3,000 so kada premyo.

Si 17-anyos ya Sandra Mae Grate na baley na Bani so akalay atensyon na saray managpalapag lapud katagey ton 5’ 8” tan gangana to. Komaduan taon tolad kurson turismo diad Lyceum-Northwestern University. (DOS-PIA 1 Pangasinan)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s