Say pansalita tayoy Pangasinan tan pangipanengneng na kultura tayo, rekado ra na reunion

Written by Gin Quesada

A Message from the author read on the occasion of Pozorrubians Reunion in Las Vegas Nov 6-7, 2010. Message was read by Mr. Salvador Idos

Kabaleyan kon Pozorrubians tan second generation Pozorrubians ya wadia natan, ontan met ed saray organizers ed sayan okasyon, sakey lara di kakaaron Agnes & Portia ya makukulin pandaragupen da tayon naynay, ontan met ed saray bisitan taga rya tan nanlapod Pozorrubio tan arum niran lugar: Masantos ya labi ed sikayon amin. Sayang ta agak makapilimog ed sikayod sayan okasyon. Sano Nov 10 ni isabik ed America.

Agyo la balbalawen so pansalitak na Pangasinan ta diad isip ko, sayan pansalitak na lenguahi tayo et sakey ya ingredienti na reunion. No mansalita kad Pangasinan, singam marum ya bibilayen so apalabas iran memories na pankakaaro yo ed apalabas iran taon lalu nen man aayam kayo ni ed Pozorrubio. Diad isip ko, mas makapailiw so pan iistoryaan yod apalabas iran panaon no Pangasinan so pansalita yo ya salita yo nen saman.
Wala rad sikayo so nababasak man i-email ed siak tan manco-comment ed Pozorrubio Online website tayo ya, pianap day salitan Pangasinan, ya ililingwan lay karaklan ya kabaleyan. Say katuaan to, wala ray Australian Pozorrubians ya agda ibabaing so mansalitay Pangasinan. Tan wala ni rad sikayod dia so akikerew ed siak na lyrics na kansion ya ‘No Siak so Mangaro”. Komon sakey ed numero na programad sayan labi so pangansion dad saya. Pati say kansion ya “Alama alama onkorong makalkalna” tan ‘Malinak lay labi”, walay man aanap ed sikayod diad siak so lyrics to. Kultura tayo rayan ag nepeg nalingwanan, et pisalsalamatan ko ya wala ni radtan ed sikayo so agmakalilingwan.

Arayan kansyon, kuanda ra may mikekerew ed siak na lyrics tan tugtog, ya participants ira ed sayan event, mangipapanonot ed sikara na inpan ogaw tan inpan marikit/balolaki dad Pozorrubio nen saman. Reunion relives the memories of the past.

Samay kansyon ya Auld Lang Syne ya karaklan a patotogtogen dad reunion, say labay ton ibaga et ‘once upon a time’, Ikekerew ko komon ya no manne-neng-nengnengan kayon datin sangkakaiba/ sankakaaro ed Pozorrubio ‘once upon a time’, kaiba yon isalita so Pangasinan ed pan ri reunion yo. Parte reunion so pansalita yoy dati uusaren yon lenguahi tan panangipaway na kultura tayo. Anggad uusaren yo so salitan Pozorrubio tan Pangasinan agyo lilingwanan so salita to. Ok labat ya mansalita kayoy Tagalog, English, Ilokano, tan arum ni ran salita, basta agyo lilingwanan so salita na taga Pangasinan.

Diad pansalita yo, susuportaan yo so gekma nipaakar ed ‘preservation of the Pangasinan language and culture ya ikukurang na ambabangil lan gropo ed Pangasinan, laot lay Gobernador.

Irequest ko met ya suportaan tayoy Operation Smile: Project Pozorrubio/ Urdaneta 2011 Medical Mission.ya ikukurang nen Kabaleyan tayon Kuya Sammy Pasag.

Salaya, salamat ed inpandengel yod sayan mensahik. Masantos ya labi ed sikayon amin. Man enjoy kayo, isayaw yo ramay sayaw yo nen saman ya sikaray nauuso met natan.

Gin Quesada,
Webmaster na Pozorrubio Online

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s