Pangasinan News: Waloran katao tinigway nen Juan diad Pangasinan

Written by Danny O. Sagun, PIA-Pangasinan

Dagupan City (20 Oktubre) — Waloran katao la so nakalay bilay lapud pasnok nen bagyon Juan ya amaspas tan nanuran ed Pangasinan nanlapud Lunes anggad karuman.

Sankasampotan ya nirekord na Pangasinan provincial police office ya inatey si Jay Ordonez, duay taon, taga Zone 4 ed baley na Rosales.

Unong ed si Supt. Harris Fama ya deputy provincial director for operations, say ugaw so nalmoan labat lan inatey ed Andulan creek ed saman ya lugar nen ina ton si Annie, 22 anyos. Naugip iran sanina manga alas tres na ngarem nen Martes sanen nabangonan labat nen Annie ya angapoy anak tod abay to tan abigla labat nen nalmo day ugaw ed kulos, unong ed report na hepe na pulis ed saman a baley.

Imbatik so ugaw ed municipal health office balet ta inatey la nen sinmabid patambalan.

Akaunan nireport so pitoran inatey ed kasagsagan na bagyo. Taloran mamarikit so nalner ya taga barangay Tamayo ed San Carlos city nen sinali ran baliwen so karayan ed barangay Apunit. Akabatan iran di Jeramie Patayan, 22 tan agi ton Sherlyn, 18 tan kapinsan dan si Vina Cruz, 16.

Si Ana Vidal, 29 tan duaran anak ton si AJ, apat taon, tan OJ, duay taon, so atapilay atumban silag dimad abung dad Sagud Baley ed San Fabian nen labi na Lunes.

Akirmatan si Freddie Espinoza, 33, nen manaani dimad barangay Calomboyan Norte ed Mangatarem manga alas nueve na kabuasay Lunes.

Legan to, tinmagey so danum diad pigaran barangay na sta. Barbara ya asingger ed Sinucalan river nanlapulad Martes. Akabatan ed si Mayor Carlito Zaplan ya 14 a barangay so apektado tan onligadad 220 pamilya so nanevacuate ed atagey iran luga,r karaklan diad eskuelaan.

Inkuanton ag napapaulyanan ed pankaukolan iray evacuees lautlad nakan. “Kumpleto rad pankaukolan da,” inkuanto.

Inimano na mayor ya saray dike ed barangay Dalongue, Ventenilla, Maticmatic tan Leet so abuang kanian inmagos so danum ed saray kaabungan tan papageyan ya magano lan anien. Onligad 3,000 ya ektarya na papageyan so adelap, inkuanto.

Legan ya oneepas so danum ed Sta. Barbara, onaaralem met diad Calasiao tan onsublay so Dagupan.

Inreport nen Fama ya say barangay Mancup ed Calasiao so agla nadalanan na angkelag iran luganan.

Diad Dagupan, ginapoan lan mantatagey na kagawaan kabuasay Mierkoles iray taga derelapen ya barangay singa Pogo Grande, Lasip Grande tan Malued lapud itatagey na danum.
Impalinew na management na San Roque Power Corporation ya ag nambulos na danum so dam ta say level wala nid lampas 264 metro ala una na ngarem na Miercoles, unong ed si Bise-Presidente Tommy Valdez. Say spilling level so 280 meters above sea level. (PIA Pangasinan)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s