Pangasinan News: Pasnok nen bagyon Juan aliknay taga Pangasinan

Written by Danny Sagun, PIA-Pangasinan

Dagupan City (19 Oktubre) — Alikna na Pangasinenses so pasnok nen bagyon Juan nanlapud nen Lunes na kaagwan anggad sayan agew na Martes.

Apatira so intilak ton inatey. Si managdalos ya Fredie Espinoza, 33, ya taga Calomboyan Norte so akirmatan legan ya mangagapas nen kabuasan na Lunes. Inatey la kasabi tod ospital.
Sakey a ina, manngaran na Ana Vidal tan duaran angkekelag nin anak ton laki tan bii so atapilan na baleg a palm tree nen Lunes na labi manga ala 7:30 dimad abung da ed barangay Sagud Baley ed baley na San Fabian. Agda la asabi ospital lapud graben kipapasen da, unong ed hepe na pulis.

Masulok ya 3,000 katao so inivacuate manlapud pigaran baley lautlad saramay manaayam ed asingger ed dayat singa diad Bolinao, Bani, Infanta, Sual, Lingayen tan Binmaleylapud tatawagen ya storm surge o biglan itagey na danum diad gilig na dayat, unong ed Pangasinan disaster risk reduction and management council.

Diad sayan syudad, masulok ya 1,800 katao so inyakar met ed maligen ya lugar pian nipaliis ed peligro.

Nibalita so kaaralem na danum ya alikna na saray taga barangay Decrito dimad baley na Umingan, unong ed Philippine National Red Cross. Linmeksab met lay danum nen mankakaagwan na Martes, kuanen Dagupan chapter administrator Florame Magalong.

Pampapagaan na karaklan met so pangibulos na danum manlapud San Roque dam ompan nagawa lamet so desyang ya awit nen bagyon Pepeng nen katantaon.

Balet ta impaseguro nen PDRRMC executive officer Paterno Orduna ya malet dan babantayan so kipapasen na dam. Inimano to met ya aleksab ni so water level ya 253.33 meters above sea level nen alas dose na sayan agew na Martes no ipareng ed spilling level ya 280 masl.
Kinerew to balet ed karaklan ya manimanon maong tan onla lad maligen ya lugar ta ontatagey so danum ed saray kailogan anggan ag ni nambulos na danum so dam. (PIA Pangasinan)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s