Passport processing center kinerew ya iletneg diad Dagupan

Written by Philippine Information Agency-Pangasinan

Dagupan City (22 Septiembre) — Labay na Dagupan ya niletneg so passport processing center diad sayan syudad pian nainomayan iray taga Pangasinan.

Ed sakey a resolusyon, inrekomenda ed si Mayor Benjamin S. Lim ya kerewen ed Department of Foreign Affairs so pangiiletneg na Center ed sayan syudad lapud kerew aliwa labat lan saray taga-Dagupan noag ingen amin ya taga-Pangasinan tan asingger iran probinsya.

Diad peles kaukolan nin onlad San Fernando City ed La Union pian mangaplay o mangiproseso na passport iray taga dia, kuanen Konsehal Redford Erfe-Mejia, say namproponi na resolusyon. “Amta yo metla so abala tan gastos na onla nid San Fernando pian mangaplay na passport,” inyarum nen Erfe-Mejia.

Abitla ton sikaton mismo so akaeksperyensya na irap na panaplay nen sikatoy linma nid La Union.

Inimano met na konsehal ya walay backlog dimad La Union lapud karakel na aplikasyon. “Makatulong ya nabawasan iray pending ya aplikasyon no walalay processing center diad syudad,” inyarum to.

Akaunan abanggit nen Mayor Lim so plano ton pangerew ed DFA ya mangiletneg na passport center diad syudad. Getma to met ya imbitaan o tangguyoren iray arum ya ahensya na gobierno ya mangiletneg na opisina ra dia.

Say bakanten Mac Adore Hotel so kanonotan ya apigeren pian ipaabang ed saray malabay a ahensya. Sinaliw na syudad so datin 5-star hotel diad impanpelag ed loob na limaran taon ed kantidad ya P50 million.

Sagpaminsan ya mangi-eskedyul so DFA na sanagew ya panproseso na saray aplikasyon diad Pangasinan. (PIA Pangasinan)

Advertisements

One thought on “Passport processing center kinerew ya iletneg diad Dagupan

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s